ආදරය පිවිතුරුයි සිනිදු මල් පෙති සේම
සෙනෙහසට එළියදෙයි පායනා හිරු සේම
ජීවිතේ අත්වැලයි හයිය දැනෙනා සේම
සිසිල් වූ දිය බිදයි දිව ගිලෙන පිපාසෙට
කාන්සිය මකාලන මියුරු ගී පද වැලයි
මනස සුවපත් කරන දිව්‍යමය ඔසු පැනයි
සිතට සිතුවිලි දෙවන බුද්ධියේ උල්පතයි
පෙර මගට සිත අදින දියුණුවේ හදවතයි
හිතුමතේ දුවන සිත් සුව යහනේ සතපවයි
නිදිබරින් තෙමෙන නෙත් මීදුමෙන් තෙමාලයි
හුස්ම නොවැටෙන ගතට යලිත් නව පණ පොවයි
ආදරය ජීවිතේ එළිය දෙන හිරු සදුයි
No comments:
Post a Comment